الملك الظال

كان في ملك ، والملك ده يا وليداتي جباااااار جبر شديد ومجنن كل أهل بلدوا دائماً بطالبهم بي ضرائب كتيرة وبتعب الناس الفقراء المساكين وبشيل حقهم ، وأكيد يا أولادي ربنا ما بضيع حق زول
في يوم من الأيام طلب الملك من جنوده وحاشيته أنهم يشيلوا كل المزارع والمحاصيل بتاعة الفلاحين .. ومافي فلاح يكون عندوا محصول أو أرض .. وهدد جنوده أنه ح يقطع رأس الما بنفذ القرار ده ، وفعلاً بدأ الجنود ينتشروا في البلد ينفذوا كلام الملك ...وشاءت الأقدار أنو يكون في فلاح عجوز وعندوا عيال صغار وحالتهم صعبة شديد وما عندوا أي مصدر رزق غير المزرعة بتاعتوا دي .. في نفس اللحظة اللي كان جنود الملك بشيلوا كل مزرعة غصب كان الفلاح العجوز يعمل بهمة ليذهب في آخر النهار وهو يحمل لأطفاله بعض القوت .. في هذه الأثناء وهو يحفر في الأرض وجد صندوق قديم بالي وكان الفلاح قد تعب تعباً شديداً من كثرة الحفر فقرر أن يعود إلى داره .. ولكن !! أتى جنود السلطان وضربوا الفلاح العجوز وطردوه من أرضه وأخدوها غصباً عنه ، قعد الفلاح في الأرض وهو مهموم ، يعمل شنو وأولاده يياكلوا شنو وفي أثناء ما هو بيفكر كده لقى الصندوق القديم مرمي على الأرض فقرر أنه يفتح الصندوق يشوف فيه شنو .. بمجرد ما فتحوا طلع منه دخااان كثيف وفجاة ظهر ليهوا مارد عملاق مخيف .. خاف الفلاح العجوز وحاول يفر منه لكن المارد إتكلم معاهوا بي صوت ضخم مخيف .. أما ما بضرك أنا عاوز أساعدك إنت بس إتمنى أي حاجة وأنا بحققها ليك .. إنت فلاح طيب .. لأنك إنت طلعتني من الصندوق ده أنا عايش فيه ألف سنة .. قفلني فيه الملك الكبير جد الملك الظالم ده وأنا بعد طلعت لازم أنتقم منه .. وح أخليك أنت ملك على البلاد دي تحكم فيها بالعدل ويعم الخير والرخاء وترجع لكل المساكين حقوقهم ..
ما قدر الفلاح يتمالك نفسوا من الفرح وجرى على بيتوا عشان يبشر أولادوا .. في اللحظة الوصل فيها البيت ما لقى بيتوا القديم المهلهل .. لكن لقى قصر كبير فيهوا خدم وحشم ولقى نفسوا لابس لبس ملوك وأولادوا لابسين لبس أمراء .. وبدأ الرجل الطيب يحكم في هذه البلد بالعدل بعد أن مات الملك الظالم وهذا جزاة كل ظالم

وتوتا توتا خلصت الحدوته