جني على طريق الخرج

هذي القصه اغرب من الخيال حصلت قبل اكثر من خمس سنوات حيث كنت معزوم على الغداء يوم خميس وقررت امشي يوم الاربعاء وانام في مزرعتنا واحضر المناسبه حركة السيارة من الرياض الساعه الثانيه صباحا ومسكة طريق الخرج وكان الليل مظلم بالحيل لوتمد ايدك متشوفها من الظلما وتعديت التفتيش وكنت افكر في امورالدنيا وساهي مثلكم خابرين وبعدين سمعت صوت قوي بالسيارة هديت السرعه ولكن الصوت يزيد وقفت على جنب ونزلت وكانت الدنيا ظلما متشوف الاسواد اخذت ادور الصوت وكانت السياره تشتغل وماخفيكم كنت خايف بالحيل المهم اتضح لي ان الكفر الخلفي الايمن مبنشر احترت اصلح الكفر والا انام بالسياره الموقع يخوف ماتمرسياره الا بعدساعه قررت اصلح البنشر وفتحت الشنطه ونزلت العفريته والاستبنه وبديت ارفع السياره كل مارتفعت السياره مادري الا وهي نازله قبل اغير الكفرتكررت اكثر من مره ] بعدين تعبت وضاق صدري ولاادري ويش السبب والخافي اعظم واناجالس احاول فك الكفر سمعت صوت طفل رضيع يصيح الصوت بجنبي لكني ماشوف شي قمت ادور حولين السياره وداخل السياره ماشفت شي ومن الربكة قفلة على المفاتيح والسياره تشتغل وبعدين سمعت صوت الطفل مره ثانيه يصيح اشد من اول انزعجت من الصوت وشفت شي يلمع في الظلام مهو بعيد توجهت لمه وانا خايف كل ماقربت له يقوى الصوت لكن الشي الي يلمع يبعد مشيت ومشيت ومشيت واذابغيت ارجع واترك الشي الي يلمع احس انه قريب واني وصلته التفت اناظر سيارتي وكانت بعيده عني حوالي كيلو ماشوف الا الفليشر ياشرفقط من بعدها يوم دريت الا الشي الي يلمع قدامي والمفاجاه انه فعلا طفل رضيع ملفوف بمهاد ابيض ومبتسم يوم شفته المهم انا خفت وتركته وحاولت ارجع للسياره بعدين صاح الطفل ورجعت له ورحمته وعتقدت انه طفل نسوه اهله عقب طلعة بر الغريب اذا شفته يبتسم واذاتركته يصرخ قررت اخذه معي علشان ابحث عن اهله خميت الطفل وتوجهت الى سيارتي والدنيا مظلمه لكن سيارتي بعيده واناخيف بالحيل حطيته على صدري ورجليه جهة الارض وطبطب على ظهره واقول لاتخاف يولبدي ابغى اوديك لهلك مادريت الا والولد يثقل وانامشيي يثقل يوم ناظرت الارجلين الولد طالة وبدت تسحب بالارض وهذا الي ثقل المشي يوم تغير وجه الطفل وصار وجه شايب مليان شعر ابيض ولحيه بيضا طويله مخيف المهم حاولة افكه مني لكنه متمسك ويناظرني ويضحك الغريب انه مثل الصلصال كل ماوخره يلصق مره ثانيه قمت ارجفه برجليني واحول ابعده ومن قوت الشيل والحط ان واياه طحة من السرير والحمدلله انه كان حلم وتذكرت اني مقريت الورد اليومي وهذا كابوس احرصو اخواني الاعزاءعلى قرات اية الكرسي قبل النوم والله يحفظكم